Happy Independence Day Shayari In Hindi

Ye Nafrat Buri Hai, Na Paalo Isse
Dilo Me Khalish Hai ,Nikalo Isse
Na Tera ,Na Mera ,Na Iska , Na Uska
Ye Sab Ka Watan Hai,Bacha Lo Isse

Mai Muslim Hu, Tu Hindu Hai, Hai Dono Insaan,
La Mai Teri Geeta Parh Lu, Tu Parh Le Quraan,
Apne To Dil Me Hai Dost Bas Ek Hi Armaan,
Ek Thali Me Khana Khaye Saara Hindustan.

Ye Baat Hawao Ko Bataye Rakhna,
Roshni Hogi Chirago Ko Jalaye Rakhna,
Lahu Dekar Jiski Hifazat Humne Ki…AISE
TIRANGE Ko Sada Dil Me Basaye Rakhna

Kisi Gajare Ki Khushbu Ko Mehakta Chhod Aaya Hu,
Meri Nanhi Si Chidiya Ko Chahakta Chhod Aaya Hu,
Mujhe Chhati Se Apni Tu Laga Lena Aye Bharat Maa,
Main Apni Maa Ki Baahon Ko Tarasta Chhod Aaya Hu.